? what is happening, samiha
الفيس بيسالني ايه اللي حصل يا سميحه !
بيغير سؤاله ليا يوم عن يوم !
كتير بحس المكان بتاع الستيتس واحده صاحبتي بملامح هاديه بتسالني عن احوالي و اخباري و حكاياتي الصغيره اللي ما تهمش غيري !
كتير ببقي رخمه و مش عايزه اقولها ,لاني مش واثقه فيها كفايه لانها هتقول لكل اللي اعرفهم و تعرفهم (يعني اللي بيحصل فعلا) حتي لو لعبت في البرايفسي ,اوووووفر اوي منها انها تقول لحد تاني عني كل حاجه كده ,
لكن كتير بيبقي من كم الوجع اللي جوه نفوخي عايزه اقول و خلاص حتي لو كل الناس عرفت و خلاص يعني ,مش هيموتوني باللي عرفوه عني ايا ما كان !,
ساعتها بتبقي الفكره الوحيده اللي جوه دماغي(ايه اسؤ سيناريو متوقع منهم لما يعرفوا!!, اعتقد ايا ما كان فهو مش قاتل اذا هو مش مهم اوي !!)
ما انكرش ان كتير بتبقي خير صديقه صامته بتسمعي و تمتصي ,
اينعم انتي بتمتصي من هنا و تخلي ناس تانيه ترد عنك و تشهديهم عليا , فاللي ربنا يقدره بلايك و اللي ربنا يفتح عليه بكومنت , و احيانا كومنتات اومليت ملهاش اي تلاته لازمه تحرق الدم و خلاص , لكن اهو بتبقي معايا لما ببقي لوحدي و محتاجه ونس!
لكن بجد كتير بقرر اخاصمك كليا و اعمل (دي اكتيف) و اخلص من زنك و تساؤلاتك الرخمه دي ,اللي مش دايما ببقي جاهزه ارد عليها ! , و مش دايما ببقي قادره استحمل اللي بتشهديهم عليا دول !و معنديش ميه ابلع بيها كلامهم و حشرتهم فيا منغير مناسبه و بمناسبه !, كتير بتبقي طاقتي يا دوووووب تكفي اقوم من النوم و انزل و ارجع تاني انام !!,يعني بيبقي صعب عليا اذوق بيكي يومي ,
سوري بجد اني بستدعيكي وقت ما بحتاجك بس !!
سوري اني مش صاحبه جدعه معاكي !!
...............
انا قلت صاحبتي مش صديقي لان مش كتير الولاد بيبقوا ماده جيده للحكي خاصه لبنت زي حلاتي ,بنت زي حلاتي ماده خام للفهم الغلط في مجتمع مصري بيتدعي التحرر و الدين و الثقافه و كل حاجه !!
صاحبتي الفيسه الفسيسه المفسفسه............... خليكي في حالك دلوقتي مش هحكيلك اايه اللي حصل لان اللي حصل لا يتقال ولا يتحكي !
خليكي في حالك و خليني ساكته مش طالبه اخبط في الحلل ارجوكي :)
هناك تعليقان (2):
التجسيد خيال مفيد للابداع.....مريح للنفس اغلب الاحيان.......
بس الشخصيات الحقيقية......للاسف.....لابد منها
التجسيد خيال مفيد للابداع.....مريح للنفس اغلب الاحيان.......
بس الشخصيات الحقيقية......للاسف.....لابد منها
إرسال تعليق