الخميس، 7 يونيو 2012

لما قابلته مره صدفه!


مش كتير بيبقي عندي الشغف ده اني اعرف حد !!

و كل ما يزيد الشغف ده !, اتاكد من فشل اي خطوه ناحيته !؛ لاني ببقي مش شبهي . ببقي حد تاني متصنع قليلا عن طبيعتي ! , و انا حلوه زي ما انا ! 
 مش زي حد تاني ما اعرفهوش !!, و ما اعرفش تصرفه ازاي في المواقف !.

لو هو اللي يفتعل موقف بس ويقرر يقرب كانت اتحلت كل المشكله!!!.
لاني بنت مصريه تقليديه جدا في النقطه دي! , مش هقدر اتعدي مساحه المتلقي! , و هفضل مستنياه يبدا هو !!!.
 لماذا لم يلحق بي ركب التقدم في تلك النقطه البلهاء !!
اه لووووووووووووووووووووو!!.

كانت عيناه تمسح أبعادي برادار متحفز دئوب ,و لكنه متحفظ بشكل لا يكشف عنا اي من اغلفه الحذر المتبادل , كان يغلفني بشجن مرضي لرغبتي بالإلتفاف حوله و حول ذاتي!.
لعله اراد مثلي ان يطمئن او ينجح هو في خطوه نحوي و يطمانني  له ,و يدعوني بخفه للغوص اكثر و اكثر في ما هو قابل للغوص !.

..................


ترن ترن ترن .............

انا يا سيدي خلصت كتاب حلو اويييييييييييييييييييييييييي!
روايه جميله ,لكاتب إسكندراني!
اول مره احس بخفه كده بعد ما اقري كتاب!
حاسه اني اعرفه!
حاسه اني قابلته مره في قهوه و سالته الساعه كام ,و رد عليا بهدؤ! ,او خليني اقول كافيه لانه يظهر عليه انه راقي !

مبسوووووووووطه
بسمع حفله فيروز في لاس فيجاس !

هي ازاي حلوه كده, بجد يا لهوي !!
و بقول يا بخت كل اللي كانوا في الحفله دي! 

بحقد عليهم حبه !
 بس عارف !,روحي الطايره دي مش لايق عليها الحقد عامه , ولا حتي علي الدبانه الرخمه اللي عماله تزن حواليا !
نفسي احضرلها حفله اويييييييييييييييي ,

وساعتها هحب كل اللي حضروا معايا, هحبهم بجد من غير ايتها حقد !

 ...................


نحن و القمر جيراااااااااااااااااااان ..........

بـــــــــــــص !!!
انا عارفه انه تصرف احمق علي كثير من الظن, بل كل الظن تقريبا !

بعد ما خلصت كتابك (..........) !, مش الاروع لكن لمست فيه تفاصيل حبتها بجنون !
مش هسمحلك تقول في عقل بالك, ببعض الحب للذات و الذي يسمي كثيرا غرور !(ده كان اول تجاربي و اقلها !)!!!!
 مش هاممني اوي مدي قدرتك علي الإبهار فيه, مش منتظر من الكائنات تبقي مبهره في حياه زي دي !!! 
 لقيت إميلك في اخر الروايه ,و كان كــــــل همي اني الاقيك علي الفيس بوك! , لاني تمنيت اكلمك و بس !
 و ربما اجيب رقم موبايلك باي طريقه ايا ما كانت !,اكيد مشروعه ! من وجهه نظري علي الاقل ! , و ساعتها مش هفكر اكتر من اني اشكرك و بس !.
معلومه صغيره عني انا مش بطمح في الناس كتير !
 بكره ابقي متطلبه !


كنوع من حب السرد هسرد بهدؤ و امرك لله تسمع بقي !

ابتدي الموضوع باستيتس علي الفيس قلت فيه إني وقعت في غرام هذا الكتاب رغم كونه ليس الأروع !, شبه أفلام عربي كتير و متوقع من ملامحه الاولي  , لكنه دافي حد دفع قشعريره الوحده بعيدا جدااااااااااا .

سالت عنك كل اصحابي اصحاب الكتب المنشوره فلربما اعرف ليك طريق بينهم !
 اجابني احدهم بكثير من التلاعب بمخيلتي !,انك اسكندرني !,و ده كان شيء متوقع بالنسبه لي  اصلا !

بــــــــــــــــــــــص بقي !!!!,من غير كلام كتير بقي !!!!


انا اتمنيت امنيه مراهقه لا تمت لي كوني تعديت هذه المراهقه منذ كثير !!؛
تمنيت من الفراغ ان اسعد برفقتك علي إحدي مقاهي اليكس و نشرب واحد كابتشينو سكر قليل,
 لاني بعمل دايت !
و دي تاني معلومه تعرفها عني في الرساله دي !, 
انا قلبي اسود و ما بنساش و بحب العد ! 
و دي تالت معلومه !!!!!!.



مش هراجع بعيني كتابتي اللي فوق دي قبل ما ابعتهالك , فانا هسحب نفس طويل من الفراغ و انقر زر (SEND) , لاني مش مهتميه بعدد الأخطاء الاملائيه ولا بعدد الحروف اللي وقعت من سربعتي علي الكيبورد!
 مش لاني سربوعه و لكني بكره اخد في اي حاجه وقت طويل !,اعتقد بردو معني كلامي اني سربوعه!,
 خلاص انا سربوعه !! 
مش هعد بقي اتعب شويه و عد انت, بس اعتقد دي الصفه الرابعه!



هاااااااااه ! , احساس حلو انك تعترف :)

انا اول مره اتصرف بكل الكم ده من الطيش!
 لو حكمت انه طيش بعد كل ده !
عادي انت حر :)
.................................


لا زال ينظر الي في صمت هاديئ بعينين متبجحتين!
اقتربت منه و بهمسه خافته و يد ممتده و بسمه واسعه !
 تقدر تناديني سما !, انت بقي ! .

......................

كان صعب استني القدر يجمع خيوط طائرتينا الورقيتين المعلقتين بين السحب حتي ابدأ معه حديث اريده و يريده هو الاخر !
لم يعد واقعنا بكلاسيكيه الطائرات الورقيه الساكنه باغاني فيروز (طيري يا طياره طيري يا ورق و خيطان ) فاكيد عمري ما هعرف ارجع بنت صغيره علي سطح الجيران !
 
الامر كان يستحق صدقوني :)

انا بحترم القدر و الصدف !
لكن ما هو لازم القدر و الصدف تحترمني في المقابل !, و تسمحلي العب في قواعدها حبه !

الاغنيه :),أي المؤثر :)


    هناك 4 تعليقات:

    تامروردة يقول...

    بصراحة أنا عندي شغف وفضول شديدين عشان أعرف اسم الكتاب ده.
    يمكن أعرف أوصلك بصاحبه :)
    لو عجبني الكتاب؟
    لكن لو ماعاجبنيش، سوري مش هاقدر أبذل أي مجهود على الأقل بسبب ضياع وقتي على الفاضي :P
    يعني يبقى نوع من أنواع الإنتقام والتشفي :)

    نشات يقول...

    طائر مغرد بين الاشجار يريد ان يبنى عشه ولكن لم يجد المكان المناسب حتى الان

    Unknown يقول...

    اقتربت منه و بهمسه خافته و يد ممتده و بسمه واسعه !
    تقدر تناديني سما !, انت بقي ! .
    ......................
    كان صعب استني القدر يجمع خيوط طائرتينا الورقيتين المعلقتين بين السحب حتي ابدأ معه حديث اريده و يريده هو الاخر !
    الامر كان يستحق صدقوني :)



    جميله

    بس احذرى هالات الكلام

    لربما يكون الواقع اقل مما توقعنا

    غير معرف يقول...

    حلوه وانا خايف من خيالك اللي مالوش اخر ده...ياريت تكتبي قصص بسيناريو وحوار هتبقي ناجحه اوي وممتعه..لان الحكي عندك مميز..عمر