الواحد بيقفش نفسه بيحمد ربنا علي حاجات غريبه !امبارح لقيتني بحمد ربنا، ان روحي جت في انسان كده ، بيتكلم ويعبر وبتاع ومش ناموسه مثلا!
الناموسة كائن كدة مكروة من الجميع ! الكل بيشتمه ويلعنه (وانا منهم) لمجرد كونه بيحاول يعيش! اكيد يا حرام لو كنت ناموسه، كان زماني بسال اسئله وجوديه كتير ملهاش اجابه (طب بيكرهوني ليه ! ده انا بس عاوزه اعيش!) (هو انا اتخلقت ليه !) (هو ربنا خلقني عشان يعذبني يعني ويهزقني كده !) ويا ريت انا كنموسه كنت هبقي بتحرك في جماعات بيقين واحد زي النحل، فاحس بعزوه كده وقشطه في قانون عام بيننا بيقول(احنا ولاد لذينه وباد جاييز وهنحط عالناس وبس!) فيبقي في مشجع لكوني ابقي شريره في المطلق!
لكن الناموس حزين كده، بيتعرض لكل الشتايم ومحاولات القتل لوحدة كده!
اتمني يكون في معالج نفسي في مجمعات الناموس اللي بيرجعولها بالليل، تديهم اجابات وافيه تخليهم يكملوا ليوم كمان ! والا هنلاقي ملايين الناموس بينتحر بقي !طبعا ده يسعدني كبشر حاليا جدا! بس حرام دول مخاليق بردو !
🤔🤔
#انجد_الناموس
#انجد_الوليه
الحمد لله اني مش ناموسه حزينه عندي افكار انتحارية
