صحيت من النوم حاسه !!
ب..........
ب..............
ب..................
بولا شيء , فعليا ولا شيء و ده اغرب ما في الامر !!
كان حلم حلو , مش فاكره منه ولا تفصيله , بس حضنه كان دافي اوي !!!
هو امتي وشه هيبقي ليه ملامح مرضيه , اقصد مرضيه لكونها لسكان الارض, لاني بتديت اقتنع انه اكيد كائن خزعبلي مش قابل للقاء كافيهاتي انساني العادي, اصل انا كائن محب للكافيهات !!
النظريه اني حابه اصدق اني ممكن اقابله , بدل ما انا بتعلق يوميا بكائن خيالي كليا كده !!
خير خير خير
فضلت نايمه في السرير فعليا مع بسمه للسقف , مش لسبب انا بس حابه ابتسم !!
فكرت اني اكمل نوم و اغير وضعيه جسمي و بس !!
رميت ودني علي الصاله , هديت وتيره تنفسي و بخفه صمت , حاولت اعرف مين في البيت و اتمنيت بصوت هادي و صلوات صامته يكون اقل عدد محتمل !!
حابه اعيش حالتي لوحدي من غير اي تدخل قد يفسدها , و قد يجعلها اكثر عبقريه !! لا اعلم و لكني لست في مجال للمراهنه!!,
المفاجاه اني راضيه بالحاله دي زي ما هي كده !!
انا... راضيه !!
انا دايما بكلمني كده و بقوللي يا حبي :), ممم احتمال نوع من النرجسيه , بس الحقيقه اني بحب ادلعني !!
خير خير خير
كماله لقانون الدلع !! , قمت من علي السرير و بصيت لمرايه اوضتي و ابتسمت , رتبت شعري بهدؤ , اصلي مش عيزاه منمق !! انا بس عيزاه قابل للانتقاض !!
خرجت من الاوده بهمس يا رب يكون الكل نايم !! , اه نسيت اقول اني ما بصتش في ساعه الموبايل ! , انا بس شفت كام حد هعتذرله اني كنت نايمه و ما ردتش علي تليفونه !! ولا ساعه الحيطه بالتاكيد لان النور كان ظلمه !!
( حلوه النور كان ظلمه دي !!! )
ما علينا :) !
خير خير خير
ماما لوحدها في اوضه , اخويا في الاوضه التانيه , بابا مش هنا !!
مش اللي كنت متوقعاه بس اوكي !!!
خير خير خير
دخلت اتشاقي علي ماما و ابوسها عنوه !!
هي بتكره ده !!
, او دايما بتحب تبين ده !!
بس بفضل اقنعني انها بتحبه !! وجهات نظر !!
ابتسمت لكوبايه الميه اللي بتغلي علي البوتاجاز, بلمحه هاديه مني و انا في الحمام بغسل وشي بغسول جديد بريحه اللمون ! جبتهولي كماله للدلع بردو , قلت لنفسي بهدؤ , هو ده وقت القرايه ولا حاجه !!
خير
خير
خير :)
هناك تعليقان (2):
خير خير خير ^^
عثوووووووووووووووولة ^^
مدونتك حلووووووووووة بجد
جميله قوي ياميحه ياقمر
بسيطه .. هاديه .. معبره من عير أي تعقيد
دمت متألقه صديقتي الرائعه
إرسال تعليق